Ղեկավարվելով  ՀՀ «Հողային օրենսգրքի» 7-րդ հոդվածի 9-րդ, 15-րդ և 16-րդ  կետերի պահանջներով  և հիմք ընդունելով քաղաքացիներՎահե Արմենի Մինասյանի և Հասմիկ Կամոյի Ավոյանի  դիմումը.

ԱՐԱՐԱՏ   ՀԱՄԱՅՆՔԻ   ԱՎԱԳԱՆԻՆ

ՈՐՈՇՈւՄԷ`

1.     Թույլատրել քաղաքացի Վահե Արմենի Մինասյանին և Հասմիկ Կամոյի Ավոյանին ընդհանուր համատեղ  սեփականության իրավունքով պատկանող, Արարատ համայնքի Ավշար բնակավայրի վարչական տարածքում գտնվող 03-013-0010-0001 ծածկագիրը կրող բնակավայրերի բնակելի կառուցապատման 0,1084 հա մակերեսով հողամասի նպատակային նշանակությունը փոփոխել՝  արդյունաբերական, ընդերքօգտագործման և այլ արտադրական նշանակության օբյեկտների հողերի, իսկ գործառնական նշանակությունը՝ գյուղատնտեսական արտադրականի, ջերմոցային տնտեսություն կառուցելու նպատակով:

2.    Թույլատրել քաղաքացի Վահե Արմենի Մինասյանին սեփականության իրավունքով պատկանող, Արարատ համայնքի Ավշար բնակավայրի վարչական տարածքում գտնվող 03-013-0010-0002 ծածկագիրը կրող բնակավայրերի բնակելի կառուցապատման 0,0997  հա մակերեսով հողամասի նպատակային նշանակությունը փոփոխել՝  արդյունաբերական, ընդերքօգտագործման և այլ արտադրական նշանակության օբյեկտների հողերի, իսկ գործառնական նշանակությունը՝ գյուղատնտեսական արտադրականի, ջերմոցային տնտեսություն կառուցելու նպատակով։

Վերոնշյալ հողամասի նպատակային և գործառնական նշանակությունները փոփոխված են համարվում հողամասերի նկատմամբ փոփոխված նպատակային և գործառնական նշանակությամբ իրավունքները պետական գրանցում ստանալու պահից։