Արարատի քաղաքային համայնքի 2018թ. բնապահպանական ծրագրի հիմնական և գլխավոր նպատակը քաղաքի կանաչապատ տարածքները ոռոգման ջրով ապահովելն է: Արարատ քաղաքում գործում է երկու խորքային հոր, սակայն ոռոգման ցանցի բացակայության պատճառով ծառերն ու կանաչ տարածքները ոռոգվում են ջրատար մեքենայով, որն արդյունավետ չէ: Քաղաքում ստեղծվել են նոր կանաչապատ տարածքներ, որոնք ամենօրյա ոռոգման կարիք ունեն: Ոռոգման ցանցի անցկացումը մասնավորապես կլուծի քաղաքի կանաչ մակերեսների՝ եղած ծառերի ու թփերի պահպանման ու ավելացմանը: Կլուծի ուսումնական հաստատությունների, մանկապարտեզների և քաղաքային հիվանդանոցի կից կանաչապատ տարածքների ոռոգման հարցը: