Արարատի համայնքապետարանի պաշտոնական կայք

19.11.24 Պարույր Սևակ բնակավայրում վերջապես ասֆալտապատվեցին գյուղի գլխավոր ճանապարհները

Երեկ աշխատանքային օրվա ավարտին Արարատ համայնքի ղեկավար Ասլան Ավետիսյանը, համայնքի ղեկավարի առաջին տեղակալ Արսեն Հակոբյանը, համայնքապետարանի քաղաքաշինության, հողաշինության, տրանսպորտի և կոմունալ ծառայության բաժնի պետ Հրաչ Դավթյանը և Պարույր Սևակ բնակավայրի վարչական ղեկավար Լյուդվիգ Ստեփանյանը աշխատանքային շրջայցով գտնվում էին Պարույր Սևակ բնակավայրում, որտեղ այս տարվա սուբվենցիոն ծրագրով իրականացվել են գյուղի գլխավոր 1-ին և 2-րդ փողոցների ասֆալտապատման աշխատանքները։Նշենք, որ համայնքի խոշորացումից հետո փորձել ենք գյուղի հիմնական խնդիրները լուծել. կառուցվել են ջրահեռացման և ջրամատակարարման համակարգեր, ասֆալտապատվել են փողոցներ, կարգավորվել է նաև փողոցային լուսավորությունը:Մեր կողմից նախանշված հերթական ... Մանրամասն

19.11.24 Վարդաշատ բնակավայրում առաջին անգամ է նման ասֆալտ արվում

Երեկ աշխատանքային շրջայցի շրջանակներում՝ Արարատ համայնքի ղեկավար Ասլան Ավեսիսյանը, համայնքի ղեկավարի առաջին տեղակալ Արսեն Հակոբյանը և տեղի վարչական ղեկավար Հովիկ Կարապետյանը գտնվում էինՎարդաշատ բնակավայրում, որտեղ այս տարվա սուբվենցիոն ծրագրով իրականացվել են գյուղի I-ին փողոցի մոտ 0,507 կմ ճանապարհահատվածի ասֆալտապատման աշխատանքները։Շինարարի կողմից իրականացված բարեխիղճ աշխատանքը և մեր բնակիչների գոհունակությունը կատարված աշխատանքների ֆոնին՝ ևս մեկ անգամ փաստեցին, որ մեր համայնքը մշակված ճիշտ ռազմավարության արդյունքում շարունակական առաջընթաց է գրանցում։

19.11.24 Մատուռի օծման արարողությունը բանակային կորպուսի կյանքում նշանավոր իրադարձություն էր

Օրերս սպարապետ Վազգեն Սարգսյանի անվան N զորամասում տեղի ունեցավ «Սուրբ Վարդան» անունը կրող մատուռի օծման արարողությունը, որին ներկա էր նաև Արարատ համայնքի ղեկավարի առաջին տեղակալ Արսեն Հակոբյանը, համայնքի ղեկավարի խորհրդական Մուշեղ Հակոբյանը, զորամասի հրամանատարական կազմը, ուժային և համայնքային իշխանությունների ներկայացուցիչներ, հոգևոր սպասավորներ և այլոք։

Մատուռի օծումը կատարվեց Մասյացոտնի թեմի բարեխնամ առաջնորդ Տեր Գևորգ եպիսկոպոս Սարոյանի ձեռամբ։

Թո՛ղ մեր երկրում լռեն բոլոր զենքերի ձայները և լսվեն միայն երգի, պարի և ուրախության ձայներ:

18.11.24 Դեկտեմբերի 1-ը գույքահարկի վճարման վերջնաժամկետն է

Արարատ համայնքի հարգելի՛ բնակիչներ,

օրենքով սահմանված տույժերից և տուգանքներից խուսափելու համար հորդորում ենք մինչև սույն թվականի դեկտեմբերի 1-ը ներառյալ կատարել անշարժ գույքի հարկի (գույքահարկ, հողի հարկ), հողամասերի վարձակալության վարձավճարների, տեղական տուրքերի, ինչպես նաև աղբահանության վճարումները։

Անշարժ գույքի հարկի, աղբահանության, հողի հարկի, գույքահարկի, փոխադրամիջոցների հարկերի վճարների չափը ճշտելու և վճարումներ կատարելու համար կարող եք այցելել Արարատի համայնքապետարանի քաղաքացիների սպասարկման գրասենյակ կամ այցելել ձեր բնակավայրի վարչական կենտրոն (վարչական ղեկավարի նստավայր)։

Կատարելով ձեր պարտավորությունները՝ դուք նպաստում եք մեր սիրելի Արարատ համայնքի զարգացմանը:

15.11.24 Այսօր մեր համայնքում տեղի ունեցավ հանդիպում, «Ժեստ» հոգեբանական կենտրոնի հոգեբաններ՝ Մարիամ և Արկադի ՄԵհրաբյանների հետ

Այսօր Արարատ քաղաքի մշակույթի և արվեստի կենտրոնի մեծ դահլիճում՝ «Ժեստ» հոգեբանական 17-ամյա կենտրոնի գլխամասի առաջատար մասնագետները, ի դեմս Մարիամ և Արկադի ՄԵհրաբյանների, նվիրված Արտաշատ/Ժեստ մասնաճյուղի մեկամյակին ներկայացրեցին երկար ճանապարհ անցած «Հակասթրես» կրթաուսումնական հոգեբանական նախագիծը, որի մեջ ներառված է «Ոչ տագնապին», «Ընտանիքն առանց կոնֆլիտի», «Հաղթող երեխա» բաղադրիչները։Ներկաները հնարավորություն ունեցան ծանոթանալու աշխարհի ամենամեծ հոգեբանական հանրագիտարանին, որը ստեղծվել է կենտրոնի կողմից։Նշենք, որ Ժեստ հոգեբանական կենտրոնն իր տաս և ավել տարիների ընթացքում ստեղծել է շատ մեծ համայնք, իրագործել հրաշալի նախագծեր, ... Մանրամասն

14.11.24 Ամենաջերմ և համ ու հոտով միջավայրում՝ այսպիսի տեսք են ստանում աշնանային կոլորիտը իր բոլոր գույներով ներկայացվող միջոցառումները

Այսօր Արարատ քաղաքի թիվ 1 մանկապարտեզում՝ տոնական և տիպիկ հայկական միջավայրում, մեծ շուքով նշվեց աշունը գովերգող միջոցառումը։Այս մանկապարտեզ հաճախող երեխաների ծնողների և մեր համայնքի բնակիչների համար այլևս բացահայտում չենք անի, եթե նշենք, որ այսօր ևս մեկ անգամ համոզվեցինք, որ մեր երեխաները կրթվում, դաստիարակվում և իրենց առօրյայի մեծ մասը անցկացնում են ամենաջերմ և հոգատար միջավայրում, որտեղ աշխատում են լավագույնները։Ընտանեկան ջերմ միջավայր ստեղծած մեր փոքրիկ համայնքում՝ տան անդամներ հանդիսացող յուրաքանչյուր համայնքապատկան կառույց իր գործը սրտացավորեն կատարելով, գնալով էլ ավելի է ամրապնդում մեր համայնքի՝ մեր տան հիմքերը, հաղորդելով նրան նոր շունչ և նոր ամրություն։Այսօր աշունը լրիվ այլ գույներով ... Մանրամասն

11.11.24 Արարատ համայնքի ղեկավար Ասլան Ավետիսյանի շնորհավորական ուղերձը Տեղական ինքնակառավարման մարմինների օրվա առթիվ

Տեղական ինքնակառավարման մարմինների հարգելի ներկայացուցիչներին, համայնքի ավագանու անդամներ, համայնքային ծառայողներ, համայնքապետարանի և համայնքային ենթակայության կազմակերպությունների աշխատակիցներ, վարչական շրջանների ղեկավարներ ու աշխատակիցներ, ջերմորեն շնորհավորում եմ բոլորիս` ՀՀ Տեղական ինքնակառավարման մարմինների օրվա առթիվ։Սիրելի՛ ավագանիներ, համայնքային ծառայողներ, ՏԻՄ ներկայացուցիչներ, ես համոզված եմ, որ մեր պատասխանատու և սրտացավ աշխատանքի շնորհիվ՝ մեր համայնքում իրականացվող շարունակական բարեկարգումների ֆոնին միասին կառուցելու ենք մեր բնակիչների երազած համայնքը։Մշտապես կանգնած լինելով մեր քաղաքացու կողքին, տեղյակ լինելով նրա հոգսերից ու մշտապես ցուցաբերելով անհրաժեշտ օգնությունն ու ... Մանրամասն

1 2 3 4 5 6 7 8 9 10 ...