Արարատի համայնքապետարանը Հայաստանի Հանրապետության անկախության հռչակման 35 ամյակին ընդառաջ հայտարարում է Վազգեն Սարգսյանի հուշարձանի նախագծի և մանրակերտի ներկայացման բաց մրցույթ
Ընդհանուր տեղեկություն
Վազգեն Սարգսյանի ստեղծվելիք հուշարձանը նախատեսվում է տեղադրել Սպարապետի ծննդավայրում՝ Արարատ համայնքի Արարատ գյուղի մշակույթի տան դիմացի հրապարակում, որի հիմնարկեքի արարողությունը տեղի կունենա 2026թ-ի սեպտեմբերի 20-22-ն ընկած ժամանակահատվածում: Հայտատուներից պահանջվում է պատրաստել արձանի մանրակերտը, մանրակերտի եռադիրք լուսանկարները և անհրաժեշտ հայտաձևն ուղարկել համապատասխան էլ. հասցեին և այն ներկայացնել մրցույթին: Հայտերն անանուն կներկայացվեն մրցութային հանձնաժողովին, որից հետո տեղի կունենա մանրակերտերի ցուցադրությունը և գնահատումը: Հաղթող հայտի մանրակերտի հիման վրա կիրականացվի հուշարձանի կառուցումը:
Մրցութային պայմաններ
1. Արձանը/մանրակերտը պետք է լավագույնս ներկայացնի Վազգեն Սարգսյանին՝ ընդգծելով վերջինիս ռազմահայրենասիրական կերպարը:
2. Ֆիգուրի առանձին մասերը՝ ձեռքերը, իրանը, գլուխը և այլ հատվածներ կա՛մ պետք է համաչափ լինեն՝ արտահայտելով Վազգեն Սարգսյանի մարդաբանական տվյալները, կա՛մ մանրակերտի այլ մտահղացման պարագայում՝ հեղինակը պետք է ներկայացնի իր հղացքի մանրամասները՝ համաձայն կից հայտաձևի:
3. Արձանը պետք է ներդաշնակի տեղադրման վայրին: Անհրաժեշտ տեսանելիությունն ապահովելու համար պետք է հաշվի առնել հուշարձանի և դիտողի միջև հեռավորությունը, արձանի դիմահայաց դիրքի ընտրությունը, պատվանդանի բարձրությունը, արձանի լայնությունն ու բարձրությունը:
4. Արձանի գեղագիտական տեսքը պետք է նախատեսված լինի 360 աստիճանի ցանկացած անկյունից դիտելու համար:
5. Արձանը պետք է լինի բրոնզաձույլ:
6. Ցանկալի է, որ ժեստիկուլյացիան ասոցացվի Վազգեն Սարգսյանի կարիերայի կամ նրա կերպարը լավագույնս ընդգծող դրվագին:
7. Ցանկալի է, որ արձանը/մանրակերտը շարժման տպավորություն ստեղծի:
Մրցութային հանձնաժողովին ներկայացվող նյութեր
1. Լրացված հայտաձև
2. Մանրակերտի առնվազն եռադիրք լուսանկարներ
Ցուցադրությանը ներկայացնելու համար
1. Հուշարձանի մակետ 1:20 մասշտաբով
2. Պլաստիլինից պատրաստված մանրակերտ (ֆիգուրատիվ արձան) 1:7 մասշտաբով:
3. Պլանշետ մոտ 80սմ×80սմ չափի, որի վրա պետք է լինի առաջարկվող հուշարձանի վերաբերյալ մանրամասնություններ մինչև 500 բառի սահմանում, արձանի նկարը, հուշարձանի եռադիրք լուսանկարը, էսքիզային նախագծի տարածական չափերը:
Ժամանակացույց
|
Համաձայն մրցույթի պայմանների՝ պետք է լրացված հայտաձևն ու մանրակերտի լուսանկարներն ուղարկել k.melkonyan@inbox.ru էլ.հասցեին՝
|
Վերջնաժամկետ 02.03.2026թ.-ն ներառյալ
|
|
Հուշարձանի մանրակերտը/ները/, մակետը/ները/ և պլանշետը/ները/ ներկայացնել հանձնաժողովի գնահատմանը
|
06.03.2026թ.մինչև ժամը 12:00-ն
|
|
Հաղթող հայտատուի հայտարարում
|
06.03.2026թ.
|
|
Հուշարձանի իրականացման աշխատանքների ժամանակացույց
|
10.03.2026թ.
15.09.2026թ
|
Աշխատանքները պետք է ներկայացվեն Արարատի համայնքապետարան՝ Արարատի մարզ, ք.Արարատ, Շահումյան 34 հասցեով:
Հավելյալ տեղեկատվություն
Մանրամասների համար զանգահարել Արարատ համայնքի ղեկավարի օգնական Կարեն Մելքոնյանին հետևյալ հեռախոսահամարով՝ 093029112: