Համաձայն Արարատ համայնքի ղեկավարի 2024թ. հոկտեմբերի 2-ի թիվ 194-Ա  և 2024 թվականի նոյեմբերի 27-ի թիվ 233-Ա կարգադրությունների, գույքագրող հանձնաժողովը կատարել է համայնքապետարանում, համայնքի կազմում ընդգրկված վարչական տարածքներում և ենթակա կազմակերպություններում առկա համայնքային սեփականություն հանդիսացող գույքի ամենամյա գույքագրում: Գույքագրման արդյունքում ճշտվել և հաշվառվել են համայնքի սեփականություն հանդիսացող հիմնական միջոցները, արագամաշ, մանրարժեք գույքն ու առարկաները: Մանրարժեք գույքի մի մասը հետագա օգտագործման պիտանի չէ: Բոլոր կազմակերպություններում հիմնական միջոցները և արագամաշ գույքը նորացման կարիք ունի:

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 32-րդ կետի, 42-րդ հոդվածի 1-ին մասի 10-րդ կետի և 77-րդ հոդվածի 3-րդ կետի պահանջներով,  ինչպես նաև համայնքի ավագանու Կանոնակարգով. ԱՐԱՐԱՏ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է`

1.Հաստատել համայնքային սեփականություն հանդիսացող գույքի 2024թ․ գույքագրման փաստաթղթերը ըստ կազմակերպությունների` Արարատի համայնքապետարան, Արարատ, Ավշար, Արմաշ, Նոյակերտ, Սուրենավան, Զանգակատուն և Վարդաշատ, Երասխ, Պարույր Սևակ, Ուրցալանջ և Լանջառ բնակավայրերի վարչական տարածքներ, «Արարատ համայնքի Արարատ քաղաքի թիվ 1 մսուր-մանկապարտեզ,  Մովսես Գորգիսյանի անվան թիվ 2 մսուր-մանկապարտեզ,Արարատ քաղաքի թիվ 3 մանկապարտեզ, Արարատ քաղաքի թիվ 4 մանկապարտեզ», «Արարատ քաղաքի Ղ․Սարյանի անվան ՄՄԱԴ», «Արարատ քաղաքի մարզադպրոց», «Արարատ քաղաքի մշակույթի և արվեստի  կենտրոն» ՀՈԱԿ-ներ, «Արարատ համայնքի կոմունալ ծառայություն» ԲՀ, «Արարատ համայնքի Արարատ գյուղի մսուր-մանկապարտեզ, Արարատ համայնքի Արմաշ գյուղի մանկապարտեզ, Արարատ համայնքի Սուրենավան գյուղի մանկապարտեզ, Արարատ համայնքի Նոյակերտ գյուղի մանակապարտեզ, Արարատ համայնքի Երասխ գյուղի մանկապարտեզ, Արարատ համայնքի Զանգակատուն գյուղի մանակապարտեզ, Արարատ համայնքի Պարույր Սևակ գյուղի մանկապարտեզ, Ավշար գյուղի մանկապարտեզ» ՀՈԱԿ-ներ: /Հավելվածներ 1-26 կցվում են:
2.Թույլատրել ենթակա կազմակերպությունների տնօրեններին`
2.1 Համապատասխան հանձնաժողովների միջոցով դուրս գրել գույքագրման արդյունքում հաշվառված, օգտագործման համար ոչ պիտանի արագամաշ, մանրարժեք գույքը:
2.2 Համապատասխան լիցենզավորված մասնագետների միջոցով ուսումնասիրել գույքագրող հանձնաժողովների կողմից հաշվառված, հետագա օգտագործման համար ոչ պիտանի  հիմնական միջոցների բոլոր դետալները, որոշել դրանց օգտագործման պիտանելիության աստիճանը,  գնահատել  և  անհրաժեշտության դեպքում  օտարել: