Ղեկավարվելով Հայաստանի Հանրապետության «Հողային օրենսգրքի» 7-րդ հոդվածի 9-րդ, 15-րդ և 16-րդ կետերի պահանջներով և հիմք ընդունելով քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 2024 թվականի ապրիլի երեսունի թիվ 2/փ-137 դրական եզրակացությունը, հաշվի առնելով քաղաքացի՝ Ռադիկ Կարապետյանի դիմումը, Արարատ համայնքի ավագանին որոշում է.

1.Արարատ համայնքի գյուղ Արմաշ բնակավայրի Ա.Հայրիյան հասցեում գտնվող, Ռադիկ Կարապետյանի սեփականություն հանդիսացող, 03-019-0059-0005 կադաստրային ծածկագիրը կրող 0.104 հա  բնակավայրերի բնակելի կառուցապատման հողամասից 0.01 հա հատվածի նպատակային նշանակությունը փոխադրել՝ էներգետիկայի,տրանսպորտի,կապի,կոմունալ ենթակառուցվածքների օբյեկտների՝ կապի հողամասի՝ բջջային կապի ալեհավաքի կառուցման համար:
2.Վերոնշյալ հողամասի նպատակային և գործառնական նշանակությունները փոփոխված են համարվում հողամասերի նկատմամբ փոփոխված նպատակային և գործառնական նշանակությամբ իրավունքները պետական գրանցում ստանալու պահից: