Ղեկավարվելով Հայաստանի Հանրապետության «Հողային օրենսգրքի» 7-րդ հոդվածի 9-րդ, 15-րդ և 16-րդ կետերի պահանջներով և հիմք ընդունելով քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 29.11.2021թ. թիվ 2/փ-346 դրական եզրակացությունը, առաջնորդվելով համայնքի ավագանու կանոնակարգով,համայնքի ավագանին որոշում է.

1.Արարատ համայնքի գյուղ Արմաշ բնակավայրի վարչական տարածքում գտնվող,համայնքային սեփականություն հանդիսացող, 03-019-0125-0018  կադաստրային ծածկագիրը կրող 0.3942 հա արդյունաբերության,ընդերքօգտագործման և այլ արտադրական նշանակության հողամասի նպատակային   նշանակությունը  փոխադրել  գյուղատնտեսական նշանակության կորիզավոր հողատեսքի,գնահատման շրջանը Վեդի ներքին արփայի գոտի 4-րդ կարգ:
2.Վերոնշյալ հողամասի նպատակային և գործառնական նշանակությունները փոփոխված են համարվում հողամասերի նկատմամբ փոփոխված նպատակային և գործառնական նշանակությամբ իրավունքները պետական գրանցում ստանալու պահից: