Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայասատանի Հանրապետության «Հողային օրենսգրքի» 50-րդ հոդվածի 3-րդ մասի 2-րդ և 11-րդ կետերով, Հայաստանի Հանրապետության «Քաղաքացիական օրենսգրքի» 210-րդ և 211-րդ հոդվածներով և հաշվի առնելով քաղաքացի Արամ Տեր-Մկրտչյանի դիմումը,Արարատ համայնքի ավագանին որոշում է.

1.Քաղաքացի Արամ Տեր-Մկրտչյանին տրամադրել սահմանափակ օգտագործման իրավունք (սերվիտուտ) Արարատ համայնքի սեփականություն հանդիսացող Արարատ բնակավայրի Ա․Գրիբոյեդովի փողոց 10/1 հողամաս հասցեն գտնվող, 03-015-0076-0039 կադաստրային ծածկագիրը կրող 0,00341 հա մակերեսով հողամասի նկատմամբ՝  խողովակաշար անցկացնելու համար:
2.Համայնքի ղեկավարին՝ քաղաքացու հետ կնքել սահմանափակ օգտագործման իրավունքի (սերվիտուտ)պայմանագիր 10 տարի ժամկետով, երկարացնելու հնարավորությամբ, տարեկան վարձավճար սահմանելով 30 000 (երեսուն հազար) ՀՀ դրամ:
3.Շինարարական աշխատանքները սկսել՝  ինժեներական ենթակառուցվածքների և հնարավոր առկա բոլոր սպասարկող կազակերպությունների համաձայնությունները ստանալու դեպքում: