Ղեկավարվելով «Տեղական ինքնակառավարման մասին»Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջներով,Հայաստանի Հանրապետության «Հողային օրենսգրքի» 481 հոդվածի , Հայաստանի Հանրապետության կառավարության 2001թվականի ապրիլի 12-ի թիվ 286 որոշման 46.2 կետի պահանջներով,հաշվի առնելով,որ նշված տարածքը գտնվում է Հայաստանին Հանրապետության հողային օրենսգրքի 60-րդ հոդվածով սահմանված հողերի ցանկում ,ինչպես նաև առաջնորդվելով համայնքի ավագանու կանոնակարգով,Արարատ համայքի ավագանին որոշում է՝
1.Թույլատրել համայնքի ղեկավարին նպատակային օգտագործման,կառուցապատման իրավունքով 25/քսանհինգ/տարի ժամկետով տրամադրել Արարատ համայնքի Ավշար բնակավայրի Մ.Խորենացի 37 հասցեում գտնվող 03-013-0032-0001 կադաստրային ծածկագիրը կրող 1.25257 հա մակերեսով բնակավայրերի հասարակական կառուցապատման հողամասը:
2.Նշված տարածքի համար կառուցապատման իրավունքի վճարի մեկնարկային գին սահմանել 250000 ՀՀ դրամ ,նախավճար սահմանել մեկնարկային գնի 5 %-ի չափով, մասնակցության վճար՝5000 ՀՀ դրամ,մրցութային քայլի չափը մեկնարկային գնի 5%-ի չափով:
3.Հողամասը կառուցապատման տրամադրել նպատակային, միայն որպես ֆուտբոլային մարզադաշտ օգտագործելու, համայնքում երեխաների և ֆուտբոլիստների սպորտային դաստիարակությանը նպաստելու նպատակով, հետևյալ պայմաններով՝
- կառուցել խաղադաշտ,հանդերձարաններ, սանհանգույց և տրիբունա,
- տեղադրել ջրային համակարգ,
- իրականացնել պարսպապատում։
4.Սույն որոշմամբ սահմանված պահանջները 5 տարվա ընթացքում չիրականացնելու դեպքում կառուցապատողի հետ լուծել կնքվելիք պայմանագիրը։
5․Կառուցապատման ժամկետի ավարտից հետո կամ պայմանագիրը վաղաժամկետ լուծելու դեպքում կառուցապատողի կատարած անբաժանելի բարելավումները չեն հատուցվում։
6․Համայնքի ղեկավարին՝մրցույթի հետ կապված աշխատանքները կազմակերպել սույն որոշման ուժի մեջ մտնելու օրվանից 1 տարվա ընթացքում, Հայաստանի Հանրապետության հողային օրենսգրքի և գործող նորմատիվ իրավական ակտերի պահանջներին համապատասխան: