Ղեկավարվելով Հայաստանի Հանրապետության «Հողային օրենսգրքի» 7-րդ հոդվածի 9-րդ, 15-րդ և 16-րդ կետերի պահանջներով և հիմք ընդունելով քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 14.05.2024թ. թիվ 2/փ- 175 դրական եզրակացությունը,համայնքի ավագանին որոշում է.

1.Արարատ համայնքի Արարատ քաղաքային բնակավայրի վարչական տարածքում գտնվող,համայնքային սեփականություն հանդիսացող,գյուղատնտեսական նշանակության  03-002-0050-0014  կադաստրային ծածկագիրը կրող 1.0 հա մակերեսով այլ հողատեսքի նպատակային նշանակությունը փոխադրել՝ բնակավայրերի բնակելի կառուցապատման  հողերի,իսկ գյուղատնտեսական նշանակության 03-002-0050-0001-ից կադաստրային ծածկագիրը կրող  0.43226 հա մակերեսով այլ հողատեսքի նպատակային նշանակությունը փոխադրել՝  բնակավայրերի ընդհանուր օգտագործման հողերի :
2.Վերոնշյալ հողամասերի նպատակային և գործառնական նշանակությունները փոփոխված են համարվում հողամասերի նկատմամբ փոփոխված նպատակային և գործառնական նշանակությամբ իրավունքները պետական գրանցում ստանալու պահից: