Օրակարգում Շ
1․ Արարատ համայնքում հավաքագրման տվյալները 2024թ․ 1-ին կիսամյակի ավարտի դրությամբ;
2․ Արարատ համայնքում հավաքագրման տվյալները 2024թ․ օգոստոսի 1-ի դրությամբ;
3․ Համայնքային նշանակության խնդիրների /ոռոգման և խմելու ջրի մատակարարման, լուսավորության/ մասին Համայնքի ղեկավարը նշեց, որ այս պահին Արարատ գյուղում սկսվել են ասֆալտապատման և կոյուղագծերի անցկացման աշխատանքները, համայնքում մեկնարկային փուլում են գտնվում տանիքների վերակառուցման, Արարատ քաղաքի Էյչեկա թաղամասի խմելու ջրի ջրագծերի կառուցման, նոր փողոցների ասֆալտապատման, գազաֆիկացման և լուսավորության անցկացման աշխատանքները նաև ընթացքի մեջ են գտնվում սուբվենցիոն ծրագրերով անցած տարվանից դեռևս չավարտված շինարարական աշխատանքները։
Խորհրդակցության մասնակիցներին տեղեկացվեց, որ  հուլիս ամսվա հարկերի հավաքագրումը կազմել է 87%, նշվել է Արարատ քաղաքի հավաքագրման բարձր ցուցանիշը։ Համայնքի ղեկավարը՝ հաշվի առնելով համայնքի բնակավայրերի որոշ վարչական ղեկավարների կողմից նախորդ խորհրդակցության ժամանակ տրված հանձնարարականի չկատարման փաստը՝ աշխատակազմի քարտուղար Արթուր Մուսիկյանին հանձնարարեց՝ օրենքով սահմանված կարգով իրականացնել կարգապահական տույժի նշանակման գործընթացը։
Ավարտին անդրադարձ կատարվեց նաև օգոստոսի 12-ին համայնքում նախատեսված Երիտասարդության օրվան նվիրված տոնական միջոցառումների կազմակերպչական ընթացիկ հարցերին։