Ղեկավարվելով «Նորմատիվ իրավական ակտերի մասին»  ՀՀ օրենքի 36-րդ հոդվածի 1-ին մասի 1-ին կետով, 37-րդ հոդվածի 1-ին մասով, «Արտակարգ իրավիճակներում բնակչության պաշտպանության մասին» ՀՀ օրենքի 16-րդ հոդվածով, «Տեղական ինքնակառավարման մասին» ՀՀ օրենքի 12-րդ հոդվածի 1-ին մասի 12-րդ և 41-րդ հոդվածի 2-րդ մասի 7-րդ կետերով. ՈՐՈՇՈՒՄ ԵՄ՝

1. Հաստատել`
1) աղետների ռիսկի կառավարման (այսուհետ՝ ԱՌԿ) խորհրդի կազմը՝ համաձայն N 1 հավելվածի.
2) ԱՌԿ խորհրդի աշխատակարգը, աղետների ռիսկի նվազեցմանը և արտակարգ իրավիճակներին արձագանքմանն ուղղված գործողությունները՝ համաձայն N 2 հավելվածի։
2. Ուժը կորցրած ճանաչել Արարատ համայնքի ղեկավարի 2022 թվականի հունիսի 22-ի «Արարատ համայնքում աղետների ռիսկի կառավարման խորհրդի ստեղծման մասին» թիվ 585 որոշումը։
3. Համայնքի ղեկավարի տեղակալ Արմեն Բաղդասարյան՝ սույն որոշման 1-ին կետով ստեղծված ԱՌԿ խորհրդի կազմում ընդգրկված պաշտոններում զբաղեցրած կամ նոր նշանակված անձանց 5-օրյա ժամկետում ծանուցել սույն որոշման մասին:
4. Որոշումն ուժի մեջ է ստորագրման պահից: