Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների պահանջներով, համայնքի ավագանու կանոնակարգով, հաշվի առնելով Սերոբ Հովակիմյանի պարուսուցման նպատակով վարձակալած սենյակի վարձավճարը փոփոխելու մասին դիմումը,Արարատ համայնքի ավագանին որոշում է՝

1.Արարատ համայնքի ավագանու 2023 թվականի փետրվարի 14-ի «Արարատ համայնքին սեփականության իրավունքով պատկանող Արարատ քաղաքի մշակույթի և արվեստի կենտրոն ՀՈԱԿ-ի շենքից և Օլիմպոս ամֆիթատրոնի շենքից սենյակներ վարձակալությամբ տրամադրելու մասին» թիվ 6 որոշման 1-ին մասի ա) կետի «60․000 ( վաթսուն հազար)» բառերը փոխարինել «40․000 (քառասուն հազար)» բառերով և 1-ին մասի ա) կետը շարադրել հետևյալ խմբագրությամբ.
 «1․Արարատ համայնքին սեփականության իրավունքով պատկանող <<Արարատ քաղաքի մշակույթի և արվեստի կենտրոն>> ՀՈԱԿ-ի շենքից 80քմ մակերեսով սենյակ վարձակալությամբ տրամադրել․
ա) Սերոբ Հովակիմյանին 1 (մեկ)տարի ժամկետով, ամսական 40․000 (քառասուն հազար) ՀՀ դրամ վարձավճարով, յուրաքանչյուր շաբաթվա չորեքշաբթի և շաբաթ օրերին, ժամը 1400-ից – 1800 -ն պարուսուցման նպատակով»:
2.Սույն որոշումն ուժի մեջ է մտնում 2025 թվականի ապրիլի 1-ից: