Զեկ. ԱՐՏԱԿ ԶԱՔԱՐՅԱՆ

Արարատ համայնքի սեփականությանն է փոխանցվել ՀՀ Արարատի մարզի Արարատ համայնքի գ․Ավշար բնակավայրի Շիրազի փողոց 1/1 և Շիրազի փողոց 2 հասցեներում գտնվող անշարժ գույքերը։ Նշված անշարժ գույքերը վարձակալության իրավունքով տրամադրված են «Արարատ» ջրօգտագործողների ընկերությանը։
Ղեկավարվելով Հայաստանի Հանրապետության քաղաքացիական օրենսգրքի 619-րդ հոդվածի, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետի պահանջներով, հաշվի առնելով, որ վարձակալության հանձնված գույքի նկատմամբ սեփականության իրավունքի փոխանցումն այլ անձի հիմք չէ վարձակալության պայմանագիրը լուծելու կամ փոփոխելու համար և հիմք ընդունելով «Արարատ» ջրօգտագործողների ընկերության տնօրենի գրությունը․ Արարատ համայնքի ավագանին որոշում է

1․ Ընդունել ի գիտություն 18․08․2023 թվականի թիվ 3501 և 3502 անշարժ գույքի վարձակալության գործող պայմանագրերը։
2․ Մինչև 2029 թվականի դեկտեմբերի 20-ը երկարաձգել 18․08․2023 թվականի թիվ 3501 և 3502 անշարժ գույքի վարձակալության պայմանագրերի ժամկետները։
3․18․08․2023 թվականի թիվ 3501 և 3502 անշարժ գույքի վարձակալության պայմանագրերի 3․1 կետում կատարել փոփոխություն՝ հանելով «ներառյալ հարկը» բառակապակցությունը․
1) թիվ 3501 պայմանագրի 3․1 կետը շարադրել հետևյալ խմբագրությամբ․
«3․1 Վարձավճարի չափը կազմում է ամսեկան 115000 / մեկ հարյուր տասնհինգ հազար/ ՀՀ դրամ, որը վարձակալը պարտավոր է փոխանցել վարձատուի հաշվին մինչև հաշվետու ամսվան հաջորդող ամսվա 20 /քսանը/»։
2) թիվ 3502 պայմանագրի 3․1 կետը հետևյալ խմբագրությամբ․
«3․1 Վարձավճարի չափը կազմում է ամսեկան  445000 /չորս հարյուր քառասունհինգ հազար/ ՀՀ դրամ, որը վարձակալը պարտավոր է փոխանցել վարձատուի հաշվին մինչև հաշվետու ամսվան հաջորդող ամսվա 20 /քսանը/»։
4․Համայնքի ղեկավարին՝ «Արարատ» ջրօգտագործողների ընկերության հետ կնքել համաձայնագրեր 18․08․2023 թվականի թիվ 3501 և 3502 անշարժ գույքի վարձակալության պայմանագրերի ժամկետները երկարաձգելու և 3․1  կետում համապատասխան փոփոխություն կատարելու վերաբերյալ՝ վարձակալության պայմանագրերի մյուս պայմանները թողնելով անփոփոխ։