Ղեկավարվելով  Հայաստանի Հանրապետության «Քաղաքացիական օրենսգրքի»  188-րդ   հոդվածի   պահանջներով, ինչպես  նաև  Հայաստանի Հանրապետության  կառավարության  18.05.2006թ.  <<Պետական  կամ  համայնքային հողամասերում  գտնվող  ինքնակամ  կառույցների  նկատմամբ  պետության  կամ  համայնքների  սեփականության  իրավունքի  պետական  գրանցման  կարգը  հաստատելու  մասին>> թիվ  731–Ն  և  Հայաստանի Հանրապետության Կառավարության  18.05.2006թ. <<Ինքնակամ  կառույցների  օրինականացման  կարգը  հաստատելու մասին>> 912-Ն  որոշումների  դրույթներով  և  հաշվի  առնելով,  որ  Արարատ  քաղաքային  համայնքի  սեփականություն  հանդիսացող  0,00218 հա  մակերեսով բնակելի  կառուցապատման    հողամասում  ինքնակամ  կառուցված  21,8 քմ  ընդհանուր  մակերեսով  հասարակական շինությունը  ընդգրկված  չէ  համայնքային  նշանակության  քաղաքաշինական  համալիր  ծրագրերի  գոտում,  կառույցը պահպանելը  չի  խախտում  այլ  անձանց  իրավունքները  և  օրենքով  պահպանվող  շահերը,  վտանգ  չի  սպառնում  քաղաքացիների  կյանքին  ու  առողջությանը, այն  կառուցված  չէ  ՀՀ  <<Հողային  օրենսգրիքի>> 60-րդ  հոդվածով  սահմանված  հողամասերի  վրա,  ինչպես  նաև  ինժեներատրանսպորտային  օբյեկտների  օտարման  կամ  անվտանգության  գոտիներում,  կառուցված  չէ  քաղաքաշինական  նորմերի  և  կանոնների  էական  խախտումներով  և  չի  առաջացնում  հարկադիր  սերվիտուտ  պահանջելու  իրավունք.

ՈՐՈՇՈՒՄ ԵՄ`

1.Արարատ  քաղաքային  համայնքի  սեփականություն  հանդիսացող   Աբովյան փողոց թիվ 4 շենքի  հարակից տարածքում  0,00218 հա  մակերեսով բնակելի  կառուցապատման  հողամասում  ինքնակամ  կառուցված 21,8 քմ  մակերեսով  հասարակական շինության (առևտրի սրահ) նկատմամբ  ճանաչել  Արարատի  քաղաքային  համայնքի  սեփականության  իրավունքը:
2. Վերը  նշված  ինքնակամ  կառուցված  առևտրի սրահը  ճանաչել  օրինական`  համաձայն  սույն  որոշմանը  կից,  օրինական  ճանաչված  կառույցի  և  դրանով  զբաղեցված  ու  պահպանման  և  սպասարկման  համար  առանձնացված  հողամասի  հատակագծերի:                          

 3. ՀՀ կառավարության 18.05.2006թ թիվ 912-ն որոշման 3-րդ կետի համաձայն, ելնելով  անհրաժեշտությունից, կառույցով զբաղեցված ու պահպանման  և սպասարկման համար առանձնացված  հողամասի  գործառնական  նշանակությունը  համարել  փոխված՝ բնակավայրերի բնակելի  կառուցապատման հողերից  հասարակականի:                                                 

4. Օրինական ճանաչված  անշարժ  գույքին`  21,8 քմ  մակերեսով  առևտրի սրահին և  դրանով  զբաղեցված, պահպանման  և  սպասարկման  համար  առանձնացված  0,00218 հա  մակերեսով  հողամասին  տրամադրել  հասցե  ք.Արարատ,  Աբովյան  փողոց  4/2  շինություն:  
5. 21,8 քմ մակերեսով առևտրի սրահը  և  դրանով  զբաղեցված,  պահպանման  և  սպասարկման  համար  առանձնացված  0,00218 հա  մակերեսով  հողատարածքը  գնման  նախապատվության  իրավունքով,  ուղղակի  վաճառքի  կարգով  առաջարկել  կառույցն  իրականացնող  անձին`  Նարինե Լևոնի Հակոբյանի:   
6. ՀՀ Կառավարության  18.05.2006թ. թիվ  912–Ն  որոշման  4-րդ  և  35-րդ  կետերով  սահմանված  կարգի  և  արժեքների  համաձայն`

          ա/  շինության  օտարման  գին  սահմանել   21,8 քմ  x  12 798 դրամ = 278 997 դրամ  
          բ/   հողի     օտարման  գին  սահմանել          21,8 քմ  x    1 878 դրամ  =  40 941 դրամ 

                                                                                                     ընդամենը`    319 938  դրամ

7. ՀՀ Կառավարության  18.05.2006թ.  թիվ 912-Ն  որոշման  35.1 կետի  համաձայն  սահմանված  չափերով  ձևավորված  վաճառքի  գնին  հավելվում  են  տվյալ  միավորի  նկատմամբ  մինչև  օտարումը  պետության  կամ  համայնքի  անվամբ  գույքային  իրավունքների  պետական  գրանցման  համար  իրականացված  վճարները`  ընդամենը                  26 000 դրամ:                                                                                                                                                        

8. Նարինե Լևոնի Հակոբյանի կողմից 15 աշխատանքային  օրվա  ընթացքում  գնման  նախապատվության  առաջարկը  չընդունելու  կամ  գնման  նախապատվության  առաջարկն  ընդունելուց  հետո  30-օրյա  ժամկետում  օրինականացված  կառույցի  և  դրա  համար  սահմանված  կարգով  առանձնացված  հողամասի  վաճառքի  գները  չվճարելու  դեպքում  5 աշխատանքային  օրվա  ընթացքում  կրկին  ներկայացնել  գրավոր  առաջարկություն  անշարժ  գույքը  վարձակալելու  վերաբերյալ: Վարձակալության  իրավունքից  ևս  հրաժարվելու  դեպքում  այն  տնօրինել  18.05.2006թ. թիվ  912-Ն որոշման  37-րդ  կետով  սահմանված  կարգով:                                                                                                                                                                   

9. Սույն  որոշումից  ծագող  իրավունքները  ենթակա  են  պետական  գրանցման  օրենքով  սահմանված  կարգով: