Ղեկավարվելով Հայաստանի Հանրապետության հողային օրենսգրքի 43-րդ հոդվածի 1-ին մասի 2-րդ կետով, Հայաստանի Հանրապետության կառավարության 2009թվականի սեպտեմբերի 17-ի «Գյուղատնտեսական նշանակության հողերի հողատեսքերի փոփոխման կարգը հաստատելու մասին» թիվ 1066-Ն որոշման 7-րդ կետով, «Տեղական ինքնակառավարման մասին» Հայաստանի Հանրապետության օրենքի 43-րդ հոդվածի 1-ին մասի 4-րդ կետով և հիմք ընդունելով Հայաստանի Հանրապետության Արարատի մարզի Արարատ համայնքի ավագանու 2023թվականի փետրվարի 14-ի «Արարատ համայնքում բոլոր գյուղատնտեսական նշանակության հողերի, բազմամյա տնկարկների և այլ բազմամյա հողատեսքերի վրա նոր հիմնված երիտասարդ խաղողի և պտղատու այգիներին արտոնություն սահմանելու մասին» թիվ 28 որոշումը և բնակչի դիմումը՝ ցածրարժեք հողատեսքն ավելի բարձրարժեք հողատեսքի փոխադրելու մասին.

ՈՐՈՇՈՒՄ ԵՄ՝

1. Արարատի մարզի Արարատ համայնքի՝ Սուրենավան բնակավայրի վարչական տարածքում գտնվող, 03-086-0260-0011 կադաստրային ծածկագիրը կրող՝ Վազգեն Աբրահամյանին, Անահիտ Հայրապետյանին, Հասմիկ Աբրահամյանին, Հերմինե Աբրահամյանին, Հայկ Աբրահամյանին, Արմինե Աբրահամյանին, Հրայր Աբրահամյանին համասեփականության իրավունքով պատկանող, 1.004հա գյուղատնտեսական նշանակության վարելահող ցածրարժեք հողատեսքը փոխադրել ավելի բարձրարժեք՝ կորիզավոր հողատեսքի:
2. Սույն որոշումից ծագող իրավունքները ենթակա են պետական գրանցման օրենքով սահմանված կարգով։