Ղեկավարվելով Հայաստանի Հանրապետության հողային օրենսգրքի 43-րդ հոդվածի 1-ին մասի 2-րդ կետով, Հայաստանի Հանրապետության կառավարության 2009թվականի սեպտեմբերի 17-ի «Գյուղատնտեսական նշանակության հողերի հողատեսքերի փոփոխման կարգը հաստատելու մասին» թիվ 1066-Ն որոշման 5-րդ կետով, «Տեղական ինքնակառավարման մասին» Հայաստանի Հանրապետության օրենքի 43-րդ հոդվածի 1-ին մասի 4-րդ կետով, Հայաստանի Հանրապետության Արարատի մարզի Արարատ համայնքի ավագանու 2023թվականի փետրվարի 14-ի՝ «Արարատ համայնքում բոլոր գյուղատնտեսական նշանակության հողերի, բազմամյա տնկարկների և այլ բազմամյա հողատեսքերի վրա նոր հիմնված երիտասարդ խաղողի և պտղատու այգիներին արտոնություն սահմանելու մասին» թիվ 28 որոշումը և հիմք ընդունելով Հայաստանի Հանրապետության Արարատի մարզի գյուղատնտեսական նշանակության հողերի հողատեսքերի փոփոխման մարզային հանձնաժողովի 2026 թվականի ապրիլի 20-ի թիվ 3/2 նիստի արձանագրությունը, բնակչի դիմումը՝ բարձրարժեք հողատեսքն ավելի ցածրարժեք հողատեսքի փոխադրելու մասին

Որոշում եմ՝

1. Արարատի մարզի, Արարատ համայնքի վարչական տարածքի գ. Արարատ բնակավայրում գտնվող՝ Հովհաննես Թամրազյանին, Քանաքարա Թամրազյանին, Սյուզաննա Թամրազյանին, Բորիկ Թամրազյանին համասեփականության իրավունքով պատկանող, 03-015-0311-0005 ծածկագիրը կրող 0.66հա բարձրարժեք՝ խաղող հողատեսքը փոխադրել ավելի ցածրարժեք՝ կորիզավոր հողատեսքի:
2. Վերոհիշյալ հողամասին տրամադրել հարկային արտոնություն 4 տարի ժամկետով:
3. Սույն որոշումը ենթակա է պետական  գրանցման: