Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 11-րդ և 28-րդ կետերի, «Նորմատիվ  իրավական ակտերի մասին» Հայաստանի Հանրապետության օրենքի 37-րդ հոդվածի 1-ին  մասի, «Նվազագույն ամսական աշխատավարձի մասին» Հայաստանի Հանրապետության օրենքի, Հայաստանի Հանրապետության «Աշխատանքային  օրենսգրքի» 178-րդ  հոդվածի պահանջներով, ինչպես նաև համայնքի ավագանու կանոնակարգով,համայնքի ավագանին որոշում է.

1․Հաստատել համայնքի ղեկավարի վարձատրության չափը, Արարատի համայնքապետարանի  կառուցվածքը, աշխատակիցների  քանակը, հաստիքացուցակը, պաշտոնային  դրույքաչափերը համաձայն  կից N1 և N2 հավելվածների։
2․Սահմանել և հաստատել հավելավճար համայնքային ծառայության տվյալ պաշտոնի ենթախմբին համապատասխանող դասային աստիճանից բարձր դասային աստիճան ունենալու համար՝ պաշտոնային դրույքաչափի 10%-ի չափով։
3․Սահմանել և հաստատել հավելավճար՝
ա) Արարատի համայնքապետարանի աշխատակազմում / ներառյալ  միավորված 11 համայնքներում/ համայնքային ծառայության պաշտոններում աշխատած՝ 5-10 /հինգից տաս/ տարի աշխատանքային ստաժի դեպքում՝  դրույքաչափի 4%-ի չափով:
բ) Արարատի համայնքապետարանի աշխատակազմում / ներառյալ միավորված 11 համայնքներում/ համայնքային ծառայության պաշտոններում աշխատած՝ 10 /տաս/ տարուց ավելի  աշխատանքային ստաժի դեպքում՝  դրույքաչափի 8%-ի չափով:
4.Ուժը կորցրած  ճանաչել 2022 թվականի նոյեմբերի 9-ի թիվ 128 և 2023թվականի փետրվարի 14-ի թիվ 4 որոշումները։