Համաձայն տեղազննության արդյունքների, Արարատ համայնքի Արմաշ բնակավայրի Հանրապետության փողոց 1/7 հասցեում գտնվող, /ծածկագիր՝ 03-019-0034-0028/ համայնքային սեփականություն հանդիսացող  արդյունաբերության, ընդերքօգտագործման և այլ արտադրական  նշանակության 0.176 հա մակերեսով հողամասը  ենթակա Է աճուրդ  վաճառքով օտարելու և ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջով և Հայաստանի Հանրապետության «Հողային օրենսգրքի» 67-րդ և 68-րդ հոդվածներով, առաջնորդվելով ավագանու կանոնակարգով, Արարատ համայնքի ավագանին որոշում է.

1.Աճուրդ վաճառքով օտարել Արարատ համայնքի Արմաշ բնակավայրի Հանրապետության փողոց 1/7 հասցեում գտնվող, 03-019-0034-0028 կադաստրային ծածկագիրը կրող 0.176 հա մակերեսով, համայնքային սեփականություն հանդիսացող արդյունաբերության, ընդերքօգտագործման և այլ արտադրական նշանակության հողամասը.
2.Նշված տարածքի օտարման մեկնարկային գին սահմանել 700 ՀՀ դրամ 1 քմ-ի համար, նախավճար սահմանել մեկնարկային գնի 50 %-ի չափով, մասնակցության վճար՝ 5000 դրամ, աճուրդային քայլի չափը մեկնարկային գնի 5%-ի չափով:
3.Համայնքի ղեկավարին՝ աճուրդ վաճառքի հետ կապված աշխատանքները կազմակերպել սույն որոշման ուժի մեջ մտնելու օրվանից 1 տարվա ընթացքում Հայաստանի Հանրապետության  «Հողային օրենսգրքի» և գործող  նորմատիվ ակտերի պահանջներին համապատասխան: