Ղեկավարվելով Հայաստանի Հանրապետության «Քաղաքացիական օրենսգրքի» 188-րդ հոդվածի պահանջներով, ինչպես նաև Հայաստանի Հանրապետության Կառավարության 2006թվականի մայիսի 18-ի <<Պետական կամ համայնքային հողամասերում գտնվող ինքնակամ կառույցների նկատմամբ պետության կամ համայնքների սեփականության իրավունքի պետական գրանցման կարգը հաստատելու մասին>> թիվ 731 –Ն և Հայաստանի Հանրապետության Կառավարության 18.05.2006թ. <<Ինքնակամ կառույցների օրինականացման կարգը հաստատելու մասին>> թիվ 912-Ն որոշումների դրույթներով և հաշվի առնելով, որ Արարատ համայնքի սեփականություն հանդիսացող 0,08440հա մակերեսով հողամասում ինքնակամ կառուցված 57.33քմ մակերեսով ցեմենտի լցման կետը ընդգրկված չէ համայնքային նշանակության քաղաքաշինական համալիր ծրագրերի գոտում, կառույցը պահպանելը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, այն կառուցված չէ Հայաստանի Հանրապետության <<Հողային օրենսգրքի>> 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք.

ՈՐՈՇՈՒՄ ԵՄ`

1. Արարատ համայնքի սեփականություն հանդիսացող ք.Արարատ բնակավայր, 25 հողամաս հասցեն կրող 0,08440հա մակերեսով արդյունաբերական, ընդերքօգտագործման և այլ արտադրական օբյեկտների նպատակային նշանակության, արդյունաբերական օբյեկտների գործառնական նշանակության հողամասում ինքնակամ կառուցված 57.33քմ ընդհանուր մակերեսով ցեմենտի լցման կետի նկատմամբ ճանաչել Արարատ համայնքի սեփականության իրավունքը:
2. Վերը նշված ինքնակամ կառուցված ցեմենտի լցման կետը ճանաչել օրինական` համաձայն սույն որոշմանը կից, օրինական ճանաչված կառույցի և դրանով զբաղեցված ու պահպանման և սպասարկման համար առանձնացված հողամասի հատակագծերի (հաշվառման (չափագրման) տվյալների մուտքագրման տեղեկանքի ծածկագիր 2026GJAQYW):
3․ Օրինական ճանաչված անշարժ գույքին՝ 57.33քմ մակերեսով ցեմենտի լցման կետը և դրանով զբաղեցված, պահպանման և սպասարկման համար առանձնացված 0․08440հա մակերեսով հողամասին տրամադրել հասցե՝ Արարատ համայնք, ք.Արարատ, 25 հողամաս  (հասցե տրամադրելու որոշման ծածկագիր 0311ZKPXGNA):

4. 57.33քմ ընդհանուր մակերեսով ցեմենտի լցման կետը և դրանով զբաղեցված, պահպանման և սպասարկման համար առանձնացված 0,08440 հա մակերեսով հողատարածքը գնման նախապատվության իրավունքով, ուղղակի վաճառքի կարգով առաջարկել կառույցն իրականացնող անձին` Գարուշ Հրանտի Մանուկյանին:
5. Հայաստանի Հանրապետության Կառավարության 18.05.2006թ. թիվ 912 –Ն որոշման 33.1 կետի համաձայն, համայնքային սեփականություն հանդիսացող հողամասում գտնվող արտադրական նշանակության ինքնակամ կառույցների սպասարկման ու պահպանման համար կադաստրային արժեքով օտարվող հողամասի առավելագույն չափ սահմանել ինքնակամ կառույցով զբաղեցված տարածքի մակերեսի եռակին, իսկ նույն որոշման 33.2 կետի համաձայն 33.1 կետով սահմանված հողամասի առավելագույն մակերեսի չափից ավելի հողամասի տրամադրման դեպքում, ավելի մակերեսով հողամասի  (672.01 քմ) գին սահմանել տվյալ հողամասի կադաստրային արժեքի եռապատիկի չափով:

6. Հայաստանի Հանրապետության Կառավարության 18.05.2006թ. թիվ 912 –Ն որոշման 4 -րդ,35-րդ,33.1 և 33.2 կետերով և սահմանված կարգի և արժեքների համաձայն`

ա/ ցեմենտի լիցքավորման կետի գին սահմանել 57.33քմ x 2844 դրամ = 163 047 դրամ

բ/ կադաստրային արժեքով օտարվող հողի օտարման գին սահմանել՝ 171.99քմ x 1878 դրամ =322 998դրամ

գ/ կադաստրային արժեքի եռապատկի չափով օտարվող հողի օտարման գին սահմանել՝ 672.01քմ x 5634 դրամ = 3 786 105դրամ

ընդամենը` 4 272 150դրամ

7. Հայաստանի Հանրապետության Կառավարության 18.05.2006թ. թիվ 912-Ն որոշման 35.1 կետի համաձայն սահմանված չափերով ձևավորված վաճառքի գնին հավելվում են տվյալ միավորի նկատմամբ մինչև օտարումը պետության կամ համայնքի անվամբ գույքային իրավունքների պետական գրանցման համար իրականացված վճարները` ընդամենը 26 000 դրամ:
8. Գարուշ Հրանտի Մանուկյանի կողմից 15 աշխատանքային օրվա ընթացքում գնման նախապատվության առաջարկը չընդունելու կամ գնման նախապատվության առաջարկն ընդունելուց հետո 30-օրյա ժամկետում օրինականացված կառույցի և դրա համար սահմանված կարգով առանձնացված հողամասի վաճառքի գները չվճարելու դեպքում 5 աշխատանքային օրվա ընթացքում կրկին ներկայացնել գրավոր առաջարկություն անշարժ գույքը վարձակալելու վերաբերյալ: Վարձակալության իրավունքից ևս հրաժարվելու դեպքում այն տնօրինել 18.05.2006թ. թիվ 912-Ն որոշման 37-րդ կետով սահմանված կարգով:
9. Սույն որոշումից ծագող իրավունքները ենթակա են պետական գրանցման օրենքով սահմանված կարգով: