Ղեկավարվելով Հայաստանի Հանրապետության հողային օրենսգրքի» 43-րդ հոդվածի 1-ին մասի 2-րդ կետի, Հայաստանի Հանրապետության քաղաքացիական օրենսգրքի 466-րդ հոդվածի 1-ին մասի, Հայաստանի Հանրապետության կառավարության 2009 թվականի սեպտեմբերի 17-ի  «Գյուղատնտեսական նշանակության հողերի հողատեսքերի փոփոխման կարգը հաստատելու մասին» թիվ 1066-Ն որոշման 7-րդ մասի, «Տեղական ինքնակառավարման մասին» Հայաստանի Հանրապետության օրենքի 43-րդ հոդվածի 1-ին մասի 4-րդ կետի պահանջներով և հիմք ընդունելով Նոյակերտ բնակավայրի բնակիչ Նորիկ Սահակյանի  դիմումը՝ ցածրարժեք հողատեսքն ավելի բարձրարժեք հողատեսքի փոփոխելու մասին.

ՈՐՈՇՈՒՄ ԵՄ`

1. Արարատի մարզի, Արարատ համայնքի Նոյակերտ բնակավայրի վարչական տարածքում գտնվող՝ Նորիկ Սահակյանին վարձակալական իրավունքով պատկանող 03-066-0148-0011 ծածկագիրը կրող, 1հա վարելահող հողամասը ցածրարժեք հողատեսքից փոփոխել ավելի բարձրարժեք հողատեսքի՝ խաղողի:
2. 1.0 հա հողամասի նկատմամբ տարեկան վարձավճար սահմանել 58400 /հիսունութ հազար չորս հարյուր/ ՀՀ դրամ:
3. Արարատ համայնքի Նոյակերտ բնակավայրի և քաղաքացի Նորիկ Սահակյանի միջև կնքված թիվ 02.03.2006թ ս/մ թիվ 519 վարձակալության պայմանագրում կատարել համապատասխան փոփոխություններ և կազմել համաձայնագիր՝ 

• պայմանագրի 1-ին կետում նշված՝ հինգերորդ կարգի 4.0 հա վարելահող և երկրորդ կարգի 1.0 հա վարելահող հողամասերը փոփոխել հինգերորդ կարգի 4.0 հա վարելահող և երկրորդ կարգի 1.0 հա խաղող բառակապակցությունով,
• պայմանագրի 5-րդ կետի 5.1 ենթակետում նշված՝ հողամասի տարեկան վարձավճարը 64000 դրամ է փոխարինել հողամասի տարեկան վարձավճարը 90400 դրամ բառակապակցությունով:  

     4. Սույն որոշումից ծագող իրավունքները ենթակա են պետական գրանցման օրենքով սահմանված կարգով։