Արարատ համայնքի խնամակալության և հոգաբարձության մարմնին են դիմել Արարատի մարզի Արարատ համայնքի գ․Ավշար բնակավայրի Ֆիդայու տ,27 հասցեի բնակիչ քաղաքացի Անահիտ Ռուստամյանը և Վաղինակ Մովսեսյանը իրենց անչափահաս թոռների՝ Դավիթ Սասունի Մովսեսյանի (ծնված՝ 24․05․2014թ․) և Գագիկ Սասունի Մովսեսյանի (ծնված՝ 06․07․2012թ.) հետ տեսակցության կարգ սահմանելու խնդրանքով։
Ղեկավարվելով Հայաստանի Հանրապետության Սահմանադրության 37-րդ հոդվածի 2-րդ մասի, Հայաստանի Հանրապետության ընտանեկան օրենսգրքի 42-րդ հոդվածի 1-ին մասի,56-րդ հոդվածների,«խնամակալության և հոգաբարձության մարմինների կանոնադրության» պահանջներով, հիմք ընդունելով խնամակալության և հոգաբարձության հանձնաժողովի առաջարկությունը և  հաշվի առնելով դիմումատուների խնդրանքը, ինչպես նաև անչափահասների մոր՝ Սոնա Մովսեսյանի հայտնած դիրքորոշումը․

ՈՐՈՇՈՒՄ ԵՄ՝

Սահմանել տեսակցության կարգ՝ Անահիտ Ռուստամյանին և Վաղինակ Մովսեսյանին իրենց անչափահաս թոռների՝ Դավիթ Սասունի Մովսեսյանի (ծնված՝ 24․05․2014թ․) և Գագիկ Սասունի Մովսեսյանի (ծնված՝ 06․07․2012թ.) հետ յուրաքանչյուր ուրբաթ օրը ժամը 17։00-ից մինչև կիրակի օրը ժամը 17։00-ը, առանց մոր ներկայության՝ չեզոք վայրում։