Քաղաքացի Շողիկ Մուրադյանը Ք. Արարատ, Խանջյան փողոց 54/4 շինություն հասցեում / ծածկագիր 03-002-0011-0025/ ունի սեփականության իրավունքով իրեն պատկանող 0,00453 հա մակերեսով հողատարածք և վրան կառուցված առևտրի սրահ: Նշված տարածքին կից առկա է ազատ տարածք, որը չի օգտագործվում այլ անձանց կողմից:
Քաղաքացի Շողիկ Մուրադյանը դիմել է համայնքապետարան՝ նշված տարածքը սեփականության իրավունքով, առևտրի սրահի ընդլայնման նպատակով, հողատարածքի կադաստրային արժեքով իրեն օտարելու խնդրանքով:
Ղեկավարվելով Հայաստանի Հանրապետության կառավարության 08.05.2003թ. թիվ 714-Ն որոշմամբ, Հայաստանի Հանրապետության «Հողային օրենսգրքի» 66-րդ հոդվածով, «Տեղական ինքնակառավարման մասին » ՀՀ օրենքի 18-րդ հոդվածի 21-րդ կետ, 43-րդ հոդվածի 1-ին կետի 3-րդ ենթակետի պահանջներով, և նկատի ունենալով, որ Խանջյան փողոց 54/4 շինություն հասցեում գտնվող, 03-002-0011-0025 ծածկագիրը կրող , քաղաքացի Շողիկ Մուրադյանին առևտրի սրահի կառուցման նպատակով հատկացված տարածքոին կից 0,00279 հա ազատ տարածքը չի գտնվում Հայաստանի Հանրապետության «Հողային օրենսգրքի» 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման գոտում, հողամասի նկատմամբ սեփականության իրավունքը չի սահմանափակում այլ անձանց իրավունքները. ԱՐԱՐԱՏԻ ՔԱՂԱՔԱՅԻՆ ՀԱՄԱՅՆՔԻ ԱՎԱԳԱՆԻՆ
ՈՐՈՇՈՒՄ Է`
1. Բավարարել Շողիկ Մուրադյանի խնդրանքը և ք. Արարատ, Խանջյան փողոց 54/4 շինություն հասցեում գտնվող, իրեն սեփականության իրավունքով պատկանող առևտրի սրահին և զբաղեցրած 0,00453 հա մակերեսով հողատարածքին հարակից 0,00279 հա մակերեսով ազատ հողատարածքը՝ ընդլայնման նպատակով, սեփականության իրավունքով, հողի կադաստրային արժեքի 100% չափով , ուղղակի վաճառքի կարգով օտարել նրան՝ Շողիկ Մուրադյանին:
2. Պարտավորեցնել քաղաքացուն՝ տարածքում շինարարական աշխատանքները կատարել Հայաստանի Հանրապետության օրենսդրությամբ սահմանված կարգով և քաղաքաշինական գործող նորմերով: |