Արարատ քաղաքային համայնքի խնամակալության և հոգաբարձության մարմին է դիմել Արարատի մարզի Տափերական համայնքի Իսակովի փ., տուն 4/7 հասցեի բնակչուհի Ռիմա Աղաջանյանը՝ երեխայի հետ տեսակցության կարգ սահմանելու խնդրանքով:                                                                                 
    Ռիմա Հարությունի Աղաջանյանը 2014թ-ին փաստական ամուսնական հարաբերությունների մեջ է մտել ք.Արարատ Ա/Զ 10/12 հասցեի բնակիչ՝ Էդգար Վարդանյանի հետ: Համատեղ ամուսնական կյանքի ընթացքում ունեցել են տղա երեխա՝ Հակոբ Էդգարի Վարդանյանին /ծնված 14.02.2015թ./: Ընտանեկան անախորժությունների պատճառով Ռիմա Աղաջանյանը և Էդգար Վարդանյանը բաժանվել են՝  2017թ. սեպտեմբեր ամսին Ռ.Աղաջանյանը հեռացել է տանից ՝ թողնելով երեխային հոր մոտ: 2017թ. սեպտեմբերից մինչ օրս Ռ.Աղաջանյանը բազմիցս փորձել է տեսնել իր որդուն՝ անչափահաս Հակոբ Վարդանյանին, սակայն հայրը՝ Էդգար Վարդանյանը, չի թույլատրել   տեսակցել երեխային:                                                                                                    
     Ղեկավարվելով  Ընտանեկան օրենսգրքի 53-րդ, 54-րդ  հոդվածներով, խնամակալության և հոգաբարձության մարմինների կանոնադրությամբ և հիմք ընդունելով խնամակալության և հոգաբարձության հանձնաժողովի առաջարկությունը.

ՈՐՈՇՈՒՄ ԵՄ`

    Տեսակցության կարգ սահմանել  շաբաթական  2  /երկու/ օր՝  չորեքշաբթի և   շաբաթ օրերին,  ժամը՝ 11:00-20:00-ին: