Արարատ  քաղաքում  աղբահանության   և  սանմաքրման հետ  կապված  հարցերը  կարգավորվում  են  <<Աղբահանության  և  սանիտարական  մաքրման  մասին>>  Հայաստանի  Հանրապետության  օրենքով,  իսկ  շենքերի  սպասարկման  հարցերը  կարգավորվում  են  <<Բազմաբնակարան շենքերի  կառավարման  մասին>>   Հայաստանի  Հանրապետության  օրենքի  տեղական  ինքնակառավարման  մարմիններին  վերաբերող  մասով:
  Օրենքը  սահմանում  է,  որ  աղբահանությունը  վճարովի  է: Աղբահանության  վճարը  համայնքի  ավագանու  կողմից  սահմանված  չափով  համայնքի  բյուջե  գանձվող  պարտադիր  գանձույթ  է,   իսկ  սանիտարական  մաքրման  աշխատանքները  իրականացվում  են  համայնքային  բյուջեի  հաշվին:
  Աղբահանության  վճարողներ  են  համարվում  բնակելի  շինության  սեփականատերեր  համարվող  կամ  որևէ  այլ  իրավունքով  այդ  գույքը  տիրապետող  ֆիզիկական  և  իրավաբանական  անձինք,  հիմնարկները,  պետական  և  տեղական  ինքնակառավարման  մարմինները,  գույքի  վարձակալները:       
Աղբահանության  վճարի  չափը  օրենքով  սահմանված  է` կենցաղային  աղբի  համար  յուրաքանչյուր  բնակչի  համար  առավելագույնը  400  դրամ  կամ  ըստ  բնակելի  շինության   բնակարանի  ընդհանուր  մակերեսի  մեկ  քառակուսի  մետրի  համար  առավելագույնը  25  դրամ:   Սահմանված  են  նաև  ոչ  կենցաղային  և  խոշոր  եզրաչափի  աղբի  տեղափոխման  դրույքաչափերը:                                                                                                                                                

 Առաջնորդվելով  նշված  օրենքների  պահանջներով  համայնքի  ավագանու  քննարկմանն  են  ներկայացվում  հետևյալ   առաջարկությունները`

 1. 2018թ.  յուրաքանչյուրբնակչի  համար  կենցաղային  աղբի  աղբահանության  համար  սահմանել  ամսական 180 դրամ:

 2. Ոչ  կենցաղային  և  խոշոր  եզրաչափի  աղբի  համար  ըստ  ծավալի  1խմաղբի  համար  սահմանել  3000 դրամ, ըստ  զանգվածի  1տ  աղբի   համար  սահմանել  5000  դրամ:                                                                                           

3. Բազմաբնակարան  բնակելի  շինության  պարտադիր  նորմերի  կատարումը  ապահովելու  նպատակով  շինության նկատմաբ  սեփականության  իրավունք  ունեցող անձանց զբաղեցրած  ընդհանուր  մակերեսի յուրաքանչյուր քառակուսի  մետրի  համար ամսեկան   սահմանել  7/յոթ/    դրամ: Ղեկավարվելով <<Բազմաբնակարան  շենքերի  կառավարման  մասին>>  Հայաստանի  Հանրապետության  օրենքի  <<Աղբահանության   և  սանիտարական  մաքրման  մասին>>  Հայաստանի  Հանրապետության    օրենքի    14-րդ  հոդվածի  1-ին  կետի,  <<Տեղական  ինքնակառավարման  մասին>>   Հայաստանի  Հանրապետության  օրենքի    18-րդ  հոդվածի  18-րդ, 19-րդ  և 20-րդ     կետերի, 38-րդ հոդվածի 2-րդ կետի  պահանջներով,  ինչպես  նաև    համայնքի  ավագանու  Կանոնակարգով.    

ԱՐԱՐԱՏԻ   ՔԱՂԱՔԱՅԻՆ   ՀԱՄԱՅՆՔԻ   ԱՎԱԳԱՆԻՆ

ՈՐՈՇՈւՄԷ`  

   1. Արարատ  քաղաքում  հաշվառում  ունեցող  և  /կամ/  բնակվող  յուրաքանչյուր  բնակչի  համար  կենցաղային  աղբահանության  վճարի  չափը  2018թ.  համար  սահմանել  ամսական  180 /մեկ  հարյուր  ութսուն/ դրամ:

2. Ոչ  կենցաղային  և  խոշոր  եզրաչափի  աղբի  համար 

  ա/  ըստ  ծավալի`  մեկ  խորանարդ   մետր  աղբի  համար  սահմանել  3000 /երեք հազար/   դրամ    

  բ/   ըստ  զանգվածի`  մեկ  տոննաաղբի  համարսահմանել   5000 /հինգ հազար/  դրամ

3. 2018թ.  համար  <<Արարատ  քաղաքի  կոմունալ  ծառայություն>>  ԲՀ-ի  կողմից  բազմաբնակարան   բնակելի  շենքերի ընդհանուր բաժնային սեփականության պահպանման  պարտադիր  նորմերի  կատարումը ապահովելու  նպատակով  սահմանել  ամսական  7 /յոթ/  դրամ  վճար`  շինության նկատմամբ  սեփականության  իրավունք  ունեցող անձանց  զբաղեցրած  ընդհանուր  մակերեսի յուրաքանչյուր քառակուսի  մետրի  համար:                   
4. Համայնքի  ղեկավարին`  աշխատակազմի  համապատասխան  մասնագետների  միջոցով     մշակել  բնակիչների   ու  իրավաբանական  անձանց  հետ  կնքվելիք   2018թ.  պայմանագրի   օրինակելի  ձևը,  հետևել  դրանց  կնքման   գործընթացին  և  այն  գործողության  մեջ  դնել  2018թ.  հունվարի  1-ից: