Քաղաքացի Վաչագան Հակոբյանը ք. Արարատ, ՈԿՖ բանավան 10/3-2 շինություն հասցեում / ծածկագիր 03-002-0065-0004/ ունի սեփականության իրավունքով իրեն պատկանող 0,002408 հա մակերեսով հողատարածք և վրան կառուցված առևտրի սրահ: Նշված տարածքին կից առկա է ազատ տարածք, որը չի օգտագործվում այլ անձանց կողմից:
Քաղաքացի Վաչագան Հակոբյանը դիմել է համայնքապետարան՝ նշված տարածքը սեփականության իրավունքով, առևտրի սրահի ընդլայնման նպատակով, հողատարածքի կադաստրային արժեքով իրեն օտարելու խնդրանքով:
Ղեկավարվելով Հայաստանի Հանրապետության կառավարության 08.05.2003թ. թիվ 714-Ն որոշմամբ, Հայաստանի Հանրապետության «Հողային օրենսգրքի» 66-րդ հոդվածով, «Տեղական ինքնակառավարման մասին » ՀայաստանիՀանրապետության օրենքի 18-րդ հոդվածի 21-րդ կետի, 43-րդ հոդվածի 1-ին կետի 3-րդ ենթակետի պահանջներով, և նկատի ունենալով, որ ՈԿՖ բանավան 10/3-2 շինություն հասցեում գտնվող, 03-002-0065-0004 ծածկագիրը կրող, քաղաքացի Վաչագան Հակոբյանին սեփականության իրավունքով պատկանող առևտրի սրահին հարակից ազատ տարածքը չի գտնվում Հայաստանի Հանրապետության «Հողային օրենսգրքի» 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման գոտում, հողամասի նկատմամբ սեփականության իրավունքը չի սահմանափակում այլ անձանց իրավունքները. ԱՐԱՐԱՏԻ ՔԱՂԱՔԱՅԻՆ ՀԱՄԱՅՆՔԻ ԱՎԱԳԱՆԻՆ
ՈՐՈՇՈՒՄ Է`
1. Բավարարել Վաչագան Հակոբյանի խնդրանքը և ք. Արարատ, ՈԿՖ բանավան 10/3-2 շինություն հասցեում գտնվող, իրեն սեփականության իրավունքով պատկանող առևտրի սրահին և զբաղեցրած 0,002408 հա մակերեսով հողատարածքին հարակից 0,0024 հա մակերեսով ազատ հողատարածքը՝ ընդլայնման նպատակով, սեփականության իրավունքով, հողի կադաստրային արժեքի 100% չափով , ուղղակի վաճառքի կարգով օտարել նրան՝ Վաչագան Հակոբյանին:
2. Պարտավորեցնել քաղաքացուն՝ տարածքում շինարարական աշխատանքները կատարել Հայաստանի Հանրապետության օրենսդրությամբ սահմանված կարգով և քաղաքաշինական գործող նորմերով: |