Ղեկավարվելով «Տեղական ինքնակառավարման մասին» Հայաստանի Հանրապետության օրենքի 13-րդ և 18-րդ հոդվածներով, ինչպես նաև «Հուղարկավորությունների կազմակերպման և գերեզմանատների և դիակիզարանների շահագործման մասին» Հայաստանի Հանրապետության օրենքի պահանջներով ԱՐԱՐԱՏ ՔԱՂԱՔԱՅԻՆ ՀԱՄԱՅՆՔԻ ԱՎԱԳԱՆԻՆ
ՈՐՈՇՈՒՄ Է`
1. Արարատի քաղաքային գերեզմանատան հարևանությամբ համայնքի միջոցներով ձեռք բերված հողակտորը, որպես գերեզմանատեղ հատկացնել բացառապես համայնքի բնակիչներին՝ հուղարկավորության կազմակերպումը ստանձնող անձի դիմումի համաձայն:
2. Մահացածի մարմինը /աճյունը/ հողին հանձնելու համար անվճար հիմունքներով դիմողի ցանկությամբ մեկ գերեզմանատեղի համար տրամադրել 2,5քմ հողատարածք (2,5 x 1,0մ չափերով), իսկ ընտանեկան գերեզմանի կազմակերպման համար՝ առավելագույնը 12,0 քմ հողատարածք (3,0 x 4,0մ չափերով):
3. Հուղարկավորթյան կազմակերպումը ստանձնողի ցանկությամբ անվճար հիմունքներով տրամադրվող գերեզմանատեղից բացի, վճարովի հիմունքներով տրամադրել առավելագույնը 3,0 քմ հողատարածք՝ 1քմ-ի համար 100 000 /մեկ հարյուր հազար/ ՀՀ դրամ վճարի դիմաց:
4. Գերեզմանատեղի տրամադրված հողատարածքից ավել հողատարածքի զավթման, կամ գերեզմանատեղի սահմանները ինքնակամ մեծացման դեպքում, հուղարկավորության կազմակերպումը ստանձնած անձը կամ հարազատները ենթակա են տուգանքի 200 000 /երկու հարյուր հազար/ ՀՀ դրամի չափով, իսկ զավթած հողատարածքը՝ ետ վերադարձի:
5. Սույն որոշման բոլոր կետերին հուղարկավորությունը կազմակերպող անձին ծանոթացնել դիմումի մուտքագրման օրը՝ գրավոր՝ ծանուցագրով: |