| Նպատակ | Արարատի քաղաքային համայնքի 2016թ. բնապահպանական ծրագրի հիմնական և գլխավոր նպատակը քաղաքը ոռոգման ջրով ապահովելն է: Արարատն ընդհանրապես զրկված է ինքնահոս ոռոգման ջրից: Քաղաքում գործում է 10լ/վրկ. հզորությամբ մեկ խորքային հոր, որը բավարարում է քաղաքի ոռոգման ջրի 20-25 %-ի պահանջը: Ոռոգման ջրի ապահովումով քաղաքում կլուծվեն բնակչության մոտ 85 %-ի համար կարևոր մի շարք հարցեր: Մասնավորապես կլուծվի քաղաքի կանաչ մակերեսների` եղած ծառերի ու թփերի պահպանման ու ավելացման, անմշակ մնացած կամ խմելու ջրով ոռոգվող տնամերձ հողամասերի մշակման ու խմելու ջրի խնայողության, ուսումնական հաստատություններին, մանկապարտեզներին և քաղաքային հիվանդանոցին կից հողատարածքների ոռոգման և ի վերջո փողոցների ամենօրյա ջրցանման հարցերը: |