Քաղաքացի Վասպուրակ Պետրոսյանը ք. Արարատ, Խանջյան 66/1-2շ հասցեում / ծածկագիր 03-002-0002-0092/ ունի սեփականության իրավունքով իրեն պատկանող 0,00372 հա մակերեսով հողատարածք և վրան կառուցված առևտրի սրահ: Նշված շինությանը կից ետնամասի ճակատին զուգահեռ առկա է ազատ տարածք, որը չի օգտագործվում այլ անձանց կողմից:
Քաղաքացի Վասպուրակ Պետրոսյանը դիմել է համայնքապետարան՝ նշված տարածքը սեփականության իրավունքով, առևտրի սրահի ընդլայնման նպատակով, հողատարածքի կադաստրային արժեքով իրեն օտարելու խնդրանքով:
Ղեկավարվելով Հայաստանի Հանրապետության կառավարության 08.05.2003թ. թիվ 714-Ն որոշմամբ, Հայաստանի Հանրապետության «Հողային օրենսգրքի» 66-րդ հոդվածով, «Տեղական ինքնակառավարման մասին » ՀայաստանիՀանրապետության օրենքի 18-րդ հոդվածի 21-րդ կետի, 43-րդ հոդվածի 1-ին կետի 3-րդ ենթակետի պահանջներով, և նկատի ունենալով, որ Խանջյան 66/1-2շ հասցեում գտնվող, 03-002-0002-0092 ծածկագիրը կրող, քաղաքացի Վասպուրակ Պետրոսյանին սեփականության իրավունքով պատկանող առևտրի սրահին հարակից ազատ տարածքը չի գտնվում Հայաստանի Հանրապետության «Հողային օրենսգրքի» 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման գոտում, հողամասի նկատմամբ սեփականության իրավունքը չի սահմանափակում այլ անձանց իրավունքները, ինչպես նաև հնարավոր չէ հողամասը որպես առանձին գույքային միավոր օտարել աճուրդային կարգով. ԱՐԱՐԱՏ ՔԱՂԱՔԱՅԻՆ ՀԱՄԱՅՆՔԻ ԱՎԱԳԱՆԻՆ
ՈՐՈՇՈՒՄ Է`
1. Բավարարել Վասպուրակ Վարուժանի Պետրոսյանի խնդրանքը և Խանջյան փողոց 66/1-2շ հասցեում գտնվող, իրեն սեփականության իրավունքով պատկանող առևտրի սրահին և զբաղեցրած 0,00372 հա մակերեսով հողատարածքին հարակից 0,00335 հա մակերեսով ազատ հողատարածքը՝ ընդլայնման նպատակով, սեփականության իրավունքով, հողի կադաստրային արժեքի 100%-ի չափ վճարով, ուղղակի վաճառքի կարգով օտարել նրան՝ Վասպուրակ Վարուժանի Պետրոսյանին:
2. Պարտավորեցնել քաղաքացուն՝ տարածքում շինարարական աշխատանքները կատարել Հայաստանի Հանրապետության օրենսդրությամբ սահմանված կարգով և քաղաքաշինական գործող նորմերով: |