2003թ.-ի հուլիսի 18-ին «Արարատցեմենտ» ՓԲԸ-ի և Արարատի քաղաքապետարանի միջև կնքվել է պայմանագիր, համաձայն որի «Արարատցեմենտ» ՓԲԸ-իև անհատույց օգտագործման է հանձնվել համայնքային սեփականություն հանդիսացող Խանջյան 61 հասցեում գտնվող թիվ 2 մանկապարտեզի շենքը: 2018թ.-ի դեկտեմբերի 25-ին վերը նշված պայմանագիրը խզվել է և շենքը վերադարձվել է համայնքին:
Արարատ քաղաքային համայնքի ավագանու 18.01.2019թ. որոշմամբ հաստավել է համայնքի ղեկավարի 14.01.2019թ. թիվ 03 որոշումը՝ Հայաստանի Հանրապետության Արարատի մարզի «Արարատ քաղաքի թիվ 4 մանկապարտեզ» ՀՈԱԿ ստեղծելու մասին: Համայնքային ենթակայության նախադպրոցական ուսումնական հաստատություններին կրթական գործունեության լիցենզիա տրամադրելու համար անհրաժեշտ է, որ սեփականության իրավունքով Արարատ քաղաքային համայնքին պատկանող և մանկապարտեզի կողմից օգտագործվող անշարժ գույքը գրանցված լինի մանկապարտեզի անունով:
Ելնելով վերոգրյալից, ղեկավարվելով «Տեղական ինքնակառավարման մասին» Հայաստանի Հանրապետության օրենքով և համայնքի ավագանու կանոնակարգով.
ԱՐԱՐԱՏՔԱՂԱՔԱՅԻՆ ՀԱՄԱՅՆՔԻ ԱՎԱԳԱՆԻՆ
ՈՐՈՇՈՒՄԷ` 1. Արարատ քաղաքի Խանջյան 61 հասցեում գտնվող, 2000թ.-ից գործող թիվ 2 մանկապարտեզը վերանվանել Հայաստանի Հանրապետության Արարատի մարզի «Արարատ քաղաքի թիվ 4 մանկապարտեզ» ՀՈԱԿ:
2. Անհատույց, անժամկետ օգտագործման իրավունքով Հայաստանի Հանրապետության Արարատի մարզի «Արարատ քաղաքի թիվ 4 մանկապարտեզ» ՀՈԱԿ-ին տրամադրել Արարատ քաղաքային համայնքին սեփականության իրավունքով պատկանող ք. Արարատ, Խանջյան 61 հասցեում գտնվող շինությունը և նրա զբաղեցրած 0,6112 հա հողատարածքը:
3. Հանձնարարել մանկապարտեզի տնօրենին՝ կատարել նշված անշարժ գույքի օգտագործման իրավունքի պետական գրանցում:
|