Քաղաքացի Լյուբով Վիկտորի Առաքելյանը հանդիսանալով գույքահարկ վճարող սուբյեկտ, «Գույքահարկի մասին» ՀՀ օրենքով սահմանված կարգով չի կատարել գույքահարկ վճարելուպարտականությունը, ինչի կապակցությամբ 2019թ. նոյեմբերի 07-ին «Վարչարարության հիմունքների և վարչական վարույթի մասին» ՀՀօրենքի 30-րդ հոդվածի 1-ին մասի բ/ ենթակետ իհիմքով Արարատի համայնքապետարանում հարուցվել է վարչական վարույթ՝ գույքահարկի գումարի գանձման հարցի քննության նպատակով:
«Վարչարարության հիմունքների և վարչական վարույթի մասին» Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.
06.11.2019թ. դրությամբ Լյուբով Առաքելյանը Արարատի համայնքապետարանի գույքահարկի տեղեկատվական բազայում գրանցված ավտոմեքենայի համար համայնքային բյուջեինկատմամբ գույքահարկի մասով ուներ 740.060 /յոթ հարյուր քառասուն հազար վաթսուն / ՀՀ դրամ ապառք, որից հարկ՝ 553.896 /հինգ հարյուր հիսուներեք հազար ութ հարյուր իննսունվեց / ՀՀ դրամ, հաշվարկված տույժ՝ 186.164 / մեկ հարյուր ութսունվեց հազար մեկ հարյուր վաթսունչորս/ ՀՀ դրամ, որը հաշվարկվել է օրենսդրությամբ սահմանված կարգով: 26.11.2019թ.-ի հարուցված վարչական վարույթի լսումների ժամանակ Արարատի համայնքապետարանի ֆինանսատնտեսական և գանձումների բաժնի կողմից տրամադրվել է տեղեկանք, ըստ որի Լյուբով Առաքելյանը կատարել է 553.896 /հինգ հարյուր հիսուներեք հազար ութ հարյուր իննսուվեց / ՀՀ դրամի վճարում (ապառք), իսկ հաշվարկված տույժը խոստացել է վճարել մինչև տարեվերջ: Ելնելով վերոգրյալից և ղեկավարվելով Հայաստանի Հանրապետության Սահմանադրությամբ, «Տեղական ինքնակառավարման մասին» Հայաստանի Հանրապետության օրենքի 38-րդ, «Վարչարարության հիմունքների և վարչական վարույթի մասին» Հայաստանի Հանրապետության օրենքի 50-րդ հոդվածի 2-րդ մասի ա/ ենթակետով, 53-րդ, 58-60-րդհոդվածներով՝
ՈՐՈՇՈՒՄ ԵՄ `
1. Քաղաքացի Լյուբով Առաքելյանի վերաբերյալ 07.11.2019թ. հարուցված վարչական վարույթը կարճել:
2. Սույն որոշումը կարող է վարչական կարգով բողոքարկվել Արարատ քաղաքային համայնքի ղեկավարին, դրա ուժի մեջ մտնելու օրվանից 2 /երկու/ ամսվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում:
3. Սույն որոշման կատարման ընթացքի նկատմամբ հսկողությունն իրականացնում է Արարատ քաղաքային համայնքի ղեկավարը: